سفارش تبلیغ
صبا ویژن

مامان سوزلری
 
قالب وبلاگ

داشلیجانین اوشاقلاری


یانسین کندین چراغلاری

شعله وئرسین اوجاغلاری

ییسن قاتیق قایماقلاری

                     کنده گلن قوناقلاری

                     داشلیجانین اوشاقلاری

داش قیادان اتاقلاری

یاشیل چمن سواخلاری

آخیر کهریز آیاقلاری

                     دوزلی کندین بلاقلاری

                    داشلیجانین اوشاقلاری

داش کسنلر گئدیر داشا

گامیش لاری داشا قوشا

سوزلر اونا خوش یاراشا

                   بیرده گزک بو داغلاری

                   داشلیجانین اوشاقلاری

کانکانلار کهریزی قازیب

داشلاری دوریه دوزیب

ظلمیلرین کوکین ازیب

                    سیندریبدی چوماقلاری

                    داشلیجانین اوشاقلاری

یار یولوننان گئچیر کروان

سوئوشوبدی قدیم دوران

وریلیبدی سوزه میدان

                    قوی کنارا پیچاقلاری

                    داشلیجانین اوشاقلاری

کروان گئدیر یوکو دوزدی

دوه نی دالبادال دوزدی

بیری گئتدی سنه گوزدی

                   یاندرون اوچراغلاری

                   داشلیجانین اوشاقلاری

گورشاد دوشوبدی داغلارا

سیلاب آشیبدی باغلارا

سیلدن چکیب قیراقلارا

                    سیل گتیرن بالیقلاری

                    داشلیجانین اوشاقلاری

گئچتیک سیلابدان اوتایا

غم غصه نی آتیق چایا

کتیده وار شرم و حیا

                    وار آغزیندا یاشماقلاری

                    داشلیجانین اوشاقلاری

چیخدیق قالانین باشینا

باخدیق گئچمیشلر یاشینا

یازدیق داشلیجا داشینا

                   گونش سالسین ایشیقلاری

                   داشلیجانین اوشاقلاری

ایستی سووا گئتدیک قوناق

گئجه نیده اوردا قالاق

بلکه اوردان شفا آلاق

                   قیزارسین اویاهاقلاری

                   داشلیجانین اوشاقلاری

گلون گئدک داشلیجیا

باخاق جوانا قوجیا

داملار اوستونده باجیا

                   تز ساللیاق قورشاقلاری

                   داشلیجانین اوشاقلاری

آداخلی قیز گئدیر سووا

سوگولویه دسمال یووا

دوسلاری ائلیون دعا

                    شاد ائلیون عاشقلاری

                    داشلیجانین اوشاقلاری

دوزلی کتده یاشیانلار

بو دنیانی بوشیانلار

ایل زوماری داشیانلار

                    شاد اولسین او دماغلاری

                    داشلیجانین اوشاقلاری

کند ائونده چوخلار یاشیر

سورو یونجیا داراشیر

قویونلاری سوتو داشیر

                    گلون یغاق قایماقلاری

                    داشلیجانین اوشاقلاری

داشلیجا دولوبدور داشا

اتگینده یونجا خاشا

بو دوسلیقی یتیر باشا

                     آماده دور قوجاقلاری

                     داشلیجانین اوشاقلاری

داشلیجادا بیتیب یوشان

دالداسیندا یاتیب دوشان

اولکه میزه سوزلر قوشان

                     سالون کنده شافاقلاری

                     داشلیجانین اوشاقلاری

اوجا داشدان بالدی آخیر

سوویشانلار اونا باخیر

کروانلار چورگه یاخیر

                     داشیر بالین بولاقلاری

                     داشلیجانین اوشاقلاری

داشلیجا بیر داشدی بیزه

چوخ اولردن باشدی بیزه

بیر دوغما قارداشدی بیزه

                      یادا سالون ییلاقلاری

                     داشلیجانین اوشاقلاری

داش کسننن اوتای دوزده

قورموشودوغ چادیر بیزده

یادیمیزا دوشدو سوزده

                      هاردان توتاق سراغلاری

                       داشلیجانین اوشاقلاری

اوجاقی داشدان قوروبلار

قوزونو سویوب دوروبلار

کوز اوسته کباب ووروبلار

                       ایستیر سپه سوماقلاری

                       داشلیجانین اوشاقلاری

کهریز سوو اوردان گچیر

سرین سوو کروان ایچیر

"قیخ یاشاردان قیخ باغ بیچیر"

                        ایتیلدیبدی اوراقلاری

                        داشلیجانین اوشاقلاری

شکریمیزوار سنه تاری

اریسین داغلارین قاری

سنبللر یانماسین باری

                       حاضر ائدیب چاناقلاری

                       داشلیجانین اوشاقلاری

شکر ائلیک یارادانا

نچه اوغول دوغوب انا

گلنلری بیر بیر سانا

                        تمیز ائدون اتاقلاری

                        داشلیجانین اوشاقلاری

دنیانی کیملر بوشلیب

بو کتده چوخلار یاشیب

کهریزلردن سو داشیب

                        دولدوروب قاب قاشیقلاری

                        داشلیجانین اوشاقلاری

سورو گلیر تکه سینن

قوچون زنگوله سسینن

آغاجلارین کولگه سینن

                        سیندیرمیون بوداقلاری

                        داشلیجانین اوشاقلاری

مامان کندین سعدآبادی

خرابه قویماق آبادی

داشلیجادا بیر اوبادی

                       یاشیل چالار سوواخلاری

                       داشلیجانین اوشاقلاری

باغبان باغا اکیب آلما

یی قابوقون یئره سالما

غربت یئرده یالقیز قالما

                        سویوبدلار قابوقلاری

                        داشلیجانین اوشاقلاری

آصف گئدیب داشلیجیا

چیخدی داشلاردان اوجیا

قارداشلار یانار باجیا

                         جوتدیبلر باشماغلاری

                         داشلیجانین اوشاقلاری

 


[ شنبه 94/8/30 ] [ 9:32 عصر ] [ آصف محمدی ممان ]

داشکسن

خروس اودی اذان وقتی بانلیا

بیلن اودی سوز وقتنی آنلیا

هرکس اگر چوخ بیلنی دانلیا

هامی دئیر قولاق ورمه قانمازدی

هیکل بویوک اما عقلی چوخ  آزدی

بو دنیادا چوخ آداملار آللانیب

باغچالارین آغاجلاری داللانیب

اوزوملرین سالخیملاری ساللانیب

حصارلیدی پالچیخ دیوار، چالینان

آغاج دولو ترش وشیرین آلینان

بهار اولوب باغبان گیدر باغینا

اکینچیلرچوخ  شاد اولار یاغینا

باخ اولکمین داشلارینا داغینا

گورنه صفالی دور داشکسن داشی

بورکه چوخ اوخشیوراوداغین باشی

آغاجلار باغلاردا دولوبلار بارا

آلمودا هیویا دولوبلار نارا

دریب گوندرللر چوخلار بازارا

گوزل میوه اکیب درن ساق اولسون

بوستان دولو بوداق اولسون تاق اولسون

اکینچیلر شیشک  اتین آلاردی

آروادلاری  تندیره اوت  سالاردی

  بارداقلاری   تیز  تندره  دولاردی

 شوربانیدا  داش بارداقدا پیشیرمگ

قلم سوروب آشیقلارن دوشورمگ

استییرم قدیم نن بیر یاد اولسون

اوصنعت کارکیشیلردن آداولسون

 اشیدنلر تانیشلاردا شاد اولسون

نجارلار قوراردی جیریق جهره نی

ظالم  خانلارآلاردیلار  بهره نی

کندیمیزده  نیچه نجار اولاردی

جیریخ جهره دینگلاندا  قوراردی

دیقتینن  آرخا   قرل  وراردی

کهریزه نو داما شیرنو قوشانلار

اوه قاپی ،دیئلاب کئشو قوشانلار

جهره جیریق کند اوینده صنعتدی

بو صنعتلر وار  دولتی ثروتدی

دینگه لانی دوئمگ اوزی غیرتدی

اونجار لار دوزلدردی چلیگی

آروادلاردا ایئیرردی الیگی

بیزیم نجار هئش همراضی میخلاردی

گاهدان گیدیب قایننه سین یوخلاردی

یورقونلیخدان یاتیب اوردا یوخلاردی

گوزل نجار آغاج کسیب سویان گون

ائللیگ آرخا اونان قرئل قویان گون

یادان چیخماز یونی جهرینن اشمگ

قونشلیقا سوتو باهم دئیشمگ

بایدا، کاسا،پیالینان سوت اوشمگ

قاتیقلاری تولوقلاردا چالخاماق

کره خاما ساری یاغی ساخلاماق

کند یئرینده   باغ بوستانی اکللر

کناریندا  پورو چارداق تیکللر

بوستان پوزوب چارداقلاری سوکللر

آسلاناردی  چارداقلاردان فنارلار

یادان چیخمارباغ بوستانلار انارلار

اوچارداقین  تیر  ستونو  بوداقدی

اوزوده بیر  دالداناجاق   اتاقدی

اوستواونون گوزل گوچک یاتاقدی

ایستی گونده سرین سرین یئل اسر

بوستانچیلاراورا یغار گولبسر

بودور بیزیم اولکمیزین   چیخاری

شیرین سودی او شورسودان  یوخاری

ایستی سوین قیشدا چیخار بوخاری

ایستی  سوین  داغینداکی  بولاقدی

ایستی  سوا  گلن اونا   قوناقدی

آرزوم بودور وطن دولو باغ اولسون

اولکه سوون انسانلاردا ساغ اولسون

سوز یازانلار اوزو گرگ آغ اولسون

شاد یاشاسین وطنه  سوز یازانلار

اورک سوون سوزلری دوز یازانلار

خالیقیم خلق ادیب آغدی قارادی

هربیر نعمت لری درده چارادی

آلاداغا باخون گوزل آلادی

گوچگ یارانیب دی بوآلاداغلار

دوره سینده بیتیب چیچگلی باغلار

آلاداغلار گوزل، گوچگ رنگین سن

دوره یاشیل چالیرسنده سنگین سن

اولکه اوزوگ اولا، اونا نگین سن

عقیق قاشدا چالارنیچه بیررنگی

یارادیب یارادان اونان قشنگی

آصف دی گوروم بو نیجه ایشدی

هانسیگون عمریمیزدلخوش سویشدی

اورگیم سوزونن اود سوز آلیشدی

حیف اولسون شامدا چکن زحمته

مامانیلار یئر یوردی وردیلر دولته

 


[ شنبه 94/8/30 ] [ 9:25 عصر ] [ آصف محمدی ممان ]
.: Weblog Themes By SibTheme :.

درباره وبلاگ

آرشیو مطالب
امکانات وب