عزت حرمت آی یولداشلارکتده قالدی                     

جانان گیچن اوقارداشلار کتده قالدی

چوخ رسملر یاددان چیماز اوگیچمیشلر                       

بلورتکین قرا داشلار کتده قالدی

من دیرم گونشیلیخلار کتده قالدی                            

یقین بیلکه دلخوشلیخلار کتده قالدی

بیرحیاط ده نیچه اولی آرواد اوشاق                         

چو باصفا یاشامقلار کتده قالدی

صاف قلبلر پاک اورکلر کتده قالدی                        

حقین بیلن دوز امکلر کتده قالدی

نامردلری مرد اوغلانا تله قوردی                          

یوخسولا ادمیش کمکلر کتده قالدی

ساری یاغلار سوت قاتیقلارکتده قالدی                     

کره خاما بال  قایماقلار کتده قالدی

کال میونی چرخ اوستونده کاسب آلدی                   

باغدا سارالمیش آلمالار کتده قالدی

زحمتکشلر پاک انسانلار کتده قالدی                        

سالیم اولاد شاد جوانلار کتده قالدی

 نوزول خورلار بوملتین قانین سوردی                     

دوز کاسبلار با ایمانلار کتده قالدی

بایرام آئی  او آقاتماق کتده قالدی                            

تاخجالارا ناقش ورماق کتده قالدی

چرشنبه ده دام اوستونده اوت یادرماق                   

اتون اوستوندن آتیلماق کتده قالدی

باجالاردان شال سالاماق کتده قالدی                          

شال سالیب مطلب آلماق کتده قالدی

یومورتیا بویاخ وئریب  چاقیشدرماق                    

سوتو بوغدا قارشدرماق کتده قالی

بایرام گونی باهم گزمگ کتده قالدی                   

گردکان نان بادام ازمگ کتده قالدی

سفریاهفت سین دوزمک کتده قالدی                 

ایده قورقا مرجی یئمگ کتده قالدی

گل چیچگلی گوزل باغلار کتده قالدی                 

باشی قارلی اوجا داغلار کتده قالدی

غملی خزان (آصف)سنن همراه اولدی                   

اورگ پاسین سیلن یاغلار کتده قالدی