سنده قال لام پایئزاولا یاز اولا

اگر عمریم چوخ اولمویا آز اولا

دنیا منه ناساز اولا ساز اولا

ترکووی قیلمارام وطنیم مامان

فراغوندن اولوب گونلریم یامان

آنا یوردوم ممان صفالی سن سن

دردلی سن غملی سن وفالی سن سن

حکیم درمانین نان شفالی سن سن

توپراغوندا تاپار دردیمیز تسگین

تاپولماز بیر نفر بیچاره مسگین

وطن سنی دلدن جان نان سورم

اورگیمه ممان داشین دوورم

دیریلدرم سنی اوزوم اولرم

عاشیقلر عشقینن جاننان گیچللر

شهادت شربتین قاننان ایچللر

سنون توپراغوندا چوخلی عالیملر

قهرمان کیشی لر جانی سالیملر

بویویب  فاضللر نه که ظالیملر

یاشیاسان دنیا بوی وطنیم

توپراغوندا اولسون دفنیم کفنیم

اوخول لار بلبل لر گوزل باغوندا

قویونلار ملللر اوجا داغوندا

گوزلریم قالیبدی ساری یاغوندا

حیف اولسون قویونلارین یاغینا

وطنی مین داغلارینا  باغینا

یازگونو بولوتلار گواوزون آلار

قارقالارچیناردا یواسین سالار

قویونلار قوزولارداغ داشا دولار

جوشار سووخ سولارداشلارایچینده

ایچر بیچین چیلر بیچین بیچنده

بلبل لرگل بوتاغیندا اوخورلار

گللردالداسندا یوا توخورلار

فراغونده اورکه اوخ سوخورلار

(آصف) سوز دی ممانان بیر یاد اولسون

اوخویوب ایشیدن قوی بیرشاد اولسون